OBRA DRAMATICA. ALVARO DE LAS CASAS

Escritor en xéneros diversos, editor, mantedor e divulgador da cultura popular, orador e colaborador asiduo en xornais e revistas, Álvaro de las Casas pertence á xeración que uns denominan dos novecentistas. Recóllense neste volume dezaseis pezas, en principio a súa obra dramática completa, ata onde se ten coñecemento, de variada feitura e temática, aínda que con dous motivos recorrentes: a decadencia moral, económica e social, pero tamén política, da vella fidalguía, e o proceso de desgaleguización da sociedade, que se manifestaba en diferentes síntomas, nomeadamente no abandono da lingua e das tradicións propias. Fonte editorial.