TRES TREBONS

“Tres trebóns” de Xurxo Souto reúne cinco relatos (“As fontes de Compostela”, “A pesca do Mar-rau”, “Aldea terremota”, “A voda máis bonita do mundo” e “A marabilla de Barna”) presididos todos eles polo sabor salgado do mar e polo ritmo cantareiro da música da repichoca. Para Fran Alonso, autor do limiar, “estas historias están cheas de repichocas, ese fabuloso berro ancestral impregnado de música e terra. Repichocas que teñen a forza dun aturuxo quente, dun arrouto de paixón, esa forza do ancestral que Xurxo Souto sabe empregar para revelarnos cal é o pulso dun país novo, distinto, fachendoso. As cousas que di chegan ao corazón.