VOCES DA GALICIA BÁRBARA

Chamamos Galicia Bárbara ao tempo transcorrido en Galicia desde finais do imperio romano ata  o termo do século XI. Coñécese tamén como Alta Idade Media, e remata cos cambios sociais, políticos e artísticos do século XII, revolucionarios en toda Europa. Aínda que existen excelentes traballos sobre a época, tamén abundan as especulacións e as posturas personalistas. Por iso facíase necesario un achegamento ás fontes a través de recompilacións e traducións de textos de primeira man, sen privar aos lectores dunha interpretativa dos feitos ocorridos e que aquí se realiza en detallados comentarios.